A Ghavilla distribue material de Volapük Ediciones, unha nova aventura editorial de ámbeto anarquista en Guadalajara.

Soubemos de Volapük Ediciones por un correo na nosa caixa que Sergio Higuera, o "alma mater" deste proxecto, nos fixo chegar co gallo da saída à rúa do segundo volume desta editorial autónoma e autoxerida que naceu con "a intención de rescatar textos, autores e contidos que se manteñen afastados da atención das editoriais convencionais ou das institucións culturais" ben "por tratarse, en casos, de autores nóveles aos que os grupos editoriais non apoian ainda que o seu interés é relevante, ou temáticas condenadas ao ostracismo por non interesar aos poderes literarios ou mediáticos, como poden ser textos ou estudos libertarios, de ecoloxía social, ou políticamente incorrectos"; se ben, aclaran, "non queremos limitarnos e ficamos abertos a calqueira proposta que vaia xurdindo".

Así entramos en contacto e amañamos para distribuir na Ghavilla os seus libros, e de momento istos son os dois libros que teremos à venda (ademais de que, un exemplar de cada, con que Volapük nos agasallou, irán para fondo da nosa biblioteca de consulta):

"Exiliados del Paraíso. Relatos" de Josean Aparicio Tercero e "Abriendo Brecha. Los inicios de la lucha de las mujeres por su emancipación. El ejemplo de Soledad Gustavo" de Julián Vadillo Muñoz (dos que ampliamos infomación en "Más información") son, ata agora, os dois títulos desta editorial con este curioso nome Volapük, que tal como conta Sergio, "Volapük é unha lingua universal, antecesora do esperanto, que se creara a finais do século XIX. Tivera entre os seus propagadores ao "guadalajareño" Fernández Iparraguirre quen redactara unha gramática e un diccionario desta lingua, e que chegara a editar a “Revista del Ateneo Caracense y Centro Volapükista español”. Esa conexión entre os valores universais e fraternais do Volapük e o especial arraigo que conocera na cidade determinou a elección do nome para este proxecto".

Luns 16 setembro as 20:30' : Volvemos a abrir as portas con a presentación do último libro de Pedro García Olivo: «Cadáver a la Intemperie»

"Como auga de maio en setembro" caenos por acá o Pedro García Olivo no seu segundo ciclo de presentacións (polo norte e noroeste da península) do seu último libro (que intuímos que non será o derradeiro) «Cadáver a la Intemperie» editado por logofobia

Pedro virá acompañado por outra persoa desta editorial anticomercial e nos primeros 10 minutos da charla van ir adicados a falar da acampada contra as liñas electricas de Moi Alta Tensión (MAT) que se está realizando en Girona, dado que algun compañeiro de seu está por alá, tema que consideran moi interesante (nos tambén) e do que necesitan apoio por aquilo cren (e cremos) importante darlle difusión. (podedes atopar información sobre a loita anti MAT no seu blogue: www.torresmasaltashanciado.espivblogs.net

Colamos de seguido a crítica, que do libro, fan as compas da librería e editorial libertaria Malatesta: "«Cadáver á Intemperie» é posiblemente a obra máis completa de Pedro García Olivo, onde recolle as súas principais teses contra os valores e as institucións capitalistas que fan da democracia un sistema totalitario -de aí a aparición do concepto «Demofascismo». «Cadáver...» céntrase nos aspectos socio-políticos que levan á domesticación do ser humano, resultando así a destrución doutras formas de vida.

García Olivo, dende postulados foucaultianos e nietszcheanos, entende que os seres humanos de hoxe están forxados homoxeneamente pola civilización occidental. Dende a súa reflexión sobre o Pensamento Único contribúe á crítica das formacións culturais dominantes. Así, somete unha importante crítica ao postmodernismo e á antropoloxía académica que, na súa opinión, axudan a aniquilar a «diferenza» cultural para convertela en mera «diversidade», como corresponde a un multiculturalismo de corte demofascista. Tamén lle dedica un considerable espazo á análise das loitas en América Latina e no Estado español, incorporando temas de actualidade, como os debates sobre a violencia, o 15-M, o experimento político da Venezuela de Chávez, o Movemento Guatemalteco, a situación de Cuba ou as súas experiencias co EZLN.

En definitiva, estamos ante unha obra que non nos deixará indiferentes urxente na súa actualidade, imprescindible para coñecer e recoñecer, como ben anuncia o seu epílogo, ao máis feo dos homes.

"A Ghavilla" distribuidora de Bardo Ediciones

As compas de Bardo Ediciones venhem de incluir-nos na sua listagem de distribuidoras nom-comerciais (ver acá) e com tal motivo ponhemos os seus, mais que interesantes, livros a vossa disposiçom e a moi bo preço (o seu).

Acolá tendes o Catálogo, onde tendes acesso a umha sinopse de cada livro, o seu nº de páginas e preço. Dizer que entre as últimas novidades estám disponíveis títulos como "El anarquismo entre la teoría y la práctica" de Alfredo M. Bonanno, "Delta en revuelta" Piratería y guerrilla contra las multinacionales del petróleo, ou Cuadernos antimilitaristas #1.

Luns 29 Outubro .- Palestra sobre Non Violencia e Guerra Social e Presentación do libro: "Guerra Social, Tensión Antisocial"

" A Sociedade non tan só tenos ensinado a aceitar a explotación e a xerarquía, senon tambén tenos adestrado para luitar de tal xeito que non sexamos quen de destruir o sistema do Poder, e que só saibamos reformalo mudando as máscaras.

Por unha banda, a Non-Violencia é imprescindíbel para que o Estado manteña o seu monopolio da forza, e pola outra banda, o concepto occidental do individuo e da libertade que se levan no seno de movimentos, incluso revolucionarios, evita calquera ruptura profunda co esquema de dominación.

Estamos colonizadas sen sabelo, ensinadas a reproduzir o Poder mesmo cando nos revelamos".

A charla xirará en torno ao apontado nos libros "Como la No Violencia Protege al Estado" , "23 Tesis en torno a la revuelta"  e "Guerra Social, Tensión Antisocial", este último, acabado de sair e que será apresentado con tal motivo.  

(podedes descarregarvos os dois primeiros nos enlaces aos que vos levan se clicades sobre eles)

Presentación do libro "Ejércitos en las calles"

Dentro da xira de entre o 17 e o 21 de maio, a cargo de dous compañeiros de Bardo edicións, terá lugar á presentación dos libros:

- Ejércitos en las calles. Algunas consideraciones sobre el informe Urban Operations in the year 2020 de la OTAN

- Si vis pacem. Repensar el militarismo en la época de la guerra permanente: Textos de las Jornadas Antimilitaristas de Barcelona, septiembre de 2010

O Exército continua a ser, e así será porque está na súa esencia, unha ferramenta dos Estados para intervir noutros territorios, mediante a súa participación en guerras ou ocupacións, de cara a defender e fortalecer os intereses económicos da clase dominante. Porén, a actuación do exército non se limita ao exterior das fronteiras legais do Estado, senón que, sumándose ás restantes forzas de represión, é empregado para controlar tamén á poboación propia. Unha realidade esta que, se ben xa a vivimos recentemente coa militarización do espazo aéreo tras a declaración do Estado de Alarma en decembro do ano pasado, farásenos cada vez máis presente nun contexto de crise permanente e degradación universal onde a dominación pretende saír reforzada a toda costa:

“Para os que se obstinan en pensar que o razoamento aquí detallado concierne soamente ao limes do imperio, e non ao seu centro orgánico, para os que queren de todos os xeitos proxectar a escena do conflito noutro lugar calquera con tal de que non sexa aquí, en fin, para os que aínda continúan sentíndose “en paz” co existente (ou sexa, cunha existencia de paz), no informe simúlase unha intervención da OTAN nun teatro de operacións no cal as “cidades de interese estratéxico” non son nin Teherán (Irán), nin Pyongyang (Corea do Norte), nin "como hipótese extrema" Pequín (China), senón que son as cidades francesas de Rouen, Lle Havre, Evreux e Dieppe.

O control preventivo e a represión de sublevacións ou insurreccións eventuais volveranse cada vez máis prerrogativas do exército, o cal terá que efectuar, por tanto, verdadeiras funcións de policía territorial, mentres esta se “paramilitariza”. Ademais de controlar o territorio, o exército terá que levar a cabo actividades de xestión da poboación civil: xestión física (refuxiados, evacuados, etc.) e xestión psicolóxica (control e monopolio das informacións, relacións coas autoridades locais, pero tamén con todas as realidades asociativas dispostas a colaborar).

Nesta perspectiva será necesario dotar ás forzas armadas dunha adecuada preparación para conflitos urbanos, para evitar a histórica “incoercibilidade” das “forzas rebeldes” na guerra asimétrica. Ao mesmo tempo, será preciso afacer á xente a ver aos militares patrullando as cidades, para que ninguén, por máis avezado e/ou aterrorizado que estea, arrísquese a mover un dedo (nin sequera o do medio).

Estamos a nos dirixir cara a un “Estado militarizado”. Tanto as tropas asignadas a Pianura (Nápoles) como as que están en Via Padova (Milán) lémbrannos que, de feito, o ano 2020 non está tan lonxe.”

De bardoediciones.net

Ademais de en Compos estarán:

Martes 17 de maio, ás 20h en Vigo no CS Cova dos Ratos (R/Romil 3)

Xóves 19 de maio, ás 19:30h en Pontedeume (CSO A Casa da estación, Avda. do Ferrol)

Venres 20 de maio en Ferrol (Espazo Libertario de Ferrol, Avda Esteiro 10 bx)

Sábado 21 de maio,ás 20:00h en Coruña (CS Atreu!, t/sam josé 2-bx)

Máis info en:

Bardo Ediciones -aquí-
Espazo Aberto Antimilitar -aquí-