Martes 12 às 21:00' no Cinema Forum Anarquista.- 5 Cámaras Rotas

Emad é un xoven palestino aficionado ás cámaras domésticas de video. Vive en Bil'in, ao oeste da cidade de Ramala, en Cisjordania.

En 2005 a poboación civil palestina que aparece neste filme vive tranquilamente nas súas casas, explotando as súas oliveiras, ata que un día aparecen os soldados de Israel dispostos a asentarse nese territorio. A intención destes é levantar alí novos asentamentos. Os palestinos verán entón como cambia radicalmente a súa existencia. As excavadoras israelíes chegaran a Bil'in para construir o muro que delimitará o perímetro dun xigantesco asentamento xudeu. Con a sua cámara, decide gravar todo o que vai acontecendo, pero os israelís iranlle destruíndo unha a unha cada cámara coa que recolle as súas accións. Cinco cámaras serán necesarias para reunir a realidade dunha invasión violenta nas súas terras.

Entanto os ataques israelitas destrozan unha cámara tras outra e, con elas, as vidas dalgúns dos seus compañeiros, Emad segue adquirindo novas cámaras e filmando o que se pasa ao seu redor.

E, en paralelo, vai grabando tambén o crecimento do seu fillo Gibreel Emad, nacido nos primeiros días do movimento cidadán de resistencia palestina contra a invasión israelita.

Cada cámara é un período e con elas, o codirector vai deixando testemuño dos esforzos dos palestinos para evitar o asentamento, pero tamén deixa constancia da tenacidade dun colectivo constantemente agredido, pero sempre alerta e disposto á resistencia.

Un retrato único, persoal e dende a primeira fila dun dos movimentos de resistencia palestinos máis famosos.

ATENCIÓN NOVO CAMBIO DE HORARIO.- COMENZO as 21:00'

Cinema-Forum Anarquista.- Reflexións e vindeiras proxeccións

Ante todo e, en primeiro lugar agradecer, unha vez máis, a Cora Peña pola sua grata presencia na charla posterior à proxección do documental "Apash, os de fóra" con o que iniciamos esta nova andaina do Cinema-Forum de "A Ghavilla". En segundo lugar pedir novamente desculpas pola metedura de zoca no horario dos cartazes colados e nos flayers repartidos, feito polo que, varias persoas que chegaron pontoais (segundo a hora do cartaz) non puideron desfrutar do documental (grazas pola vosa comprensión do erro) se ben si quedaron á animada charla con Cora sobre este documental e sobre o seu novo proxecto "Tesouro de Corcoesto", que, segundo algún dos asistentes asiduos, foi das mellores experiencias que se pasaron no noso local en muito tempo.

E, como de todo se aprende, despois de valorar os pros e contras do horario, imos probar fazer as proxeccións nen as 20 nen as 22, senón as 21 horas dos martes (comenzando pontoais como nos cinemas comerciais) co gallo de dar tempo a chegar à Ghavilla à xente que remata de currar ou de ir a aulas as 20 e para non acabar moi tarde e ter tempo abondo para a posterior charla.

Ata agora hai previstas duas proxeccións para as vindeiras duas semanas, e é intención nosa que a programación vaia saíndo con aportacións e/ou suxerencias de todas, a tal efecto convidamos a fazer propostas tanto no local como a través do noso correo: bibliotecanarquista@gmail.com

Os vindeiros pases previstos son: O martes 12 o filme-documental sobre Palestina "5 Cámaras Rotas" e o martes 19 o docu "Falso Orgasmo" relacionado co tema queer e que xera debates interesantes respecto o tema, e para esta ocasión contaremos con unha compa da revista de pensamento anarco queer e antipsiquiatría "A Revolta dxs Caracois", quen encauzará o máis que factible posterior debate.

Ampliaremos a información destas proxeccións en vindeiras entradas específicas neste noso blogue.

Xoves 7 ás 20:00' Magosto e Títeres

Con muito gosto anunciamos este Magosto.

Nele contaremos con a presencia da Compañía de Títeres "Alacrán" que nos deleitarán con a representación da "farsa para guiñol" escrita por Federico García Lorca: "El Retablillo de Don Cristobal":

"Un teatriño de cartón comprou Federico García Lorca cos seus aforros cando era neno e supuxo un dos seus primeiros xoguetes infantís, que despois foi ampliando cos novos decorados e personaxes que el mesmo debuxaba e inventaba. Para ese teatriño compuxo as súas primeiras farsas, baseadas en Cristobita, un personaxe popular do monicreque de comezos do século XX, que Federico improvisaba de forma oral, mentres as representaba, e que despois transcribiría literariamente. Destas obras, unha das primixenias é "El Retablillo de Don Cristóbal", onde se esbozan as situacións e os personaxes que logo dilatará e acrecerá en outras obras posteirores. Pero en El Retablillo... todo é pura burlería: a obra transcorre entre unhas cantas estampas e algún que outro cromo, como Lorca cualifica a este tipo de escenas".

E por suposto haverá castañas debalde!!

Aguardamos por vos!!

A Ghavilla distribue material de Volapük Ediciones, unha nova aventura editorial de ámbeto anarquista en Guadalajara.

Soubemos de Volapük Ediciones por un correo na nosa caixa que Sergio Higuera, o "alma mater" deste proxecto, nos fixo chegar co gallo da saída à rúa do segundo volume desta editorial autónoma e autoxerida que naceu con "a intención de rescatar textos, autores e contidos que se manteñen afastados da atención das editoriais convencionais ou das institucións culturais" ben "por tratarse, en casos, de autores nóveles aos que os grupos editoriais non apoian ainda que o seu interés é relevante, ou temáticas condenadas ao ostracismo por non interesar aos poderes literarios ou mediáticos, como poden ser textos ou estudos libertarios, de ecoloxía social, ou políticamente incorrectos"; se ben, aclaran, "non queremos limitarnos e ficamos abertos a calqueira proposta que vaia xurdindo".

Así entramos en contacto e amañamos para distribuir na Ghavilla os seus libros, e de momento istos son os dois libros que teremos à venda (ademais de que, un exemplar de cada, con que Volapük nos agasallou, irán para fondo da nosa biblioteca de consulta):

"Exiliados del Paraíso. Relatos" de Josean Aparicio Tercero e "Abriendo Brecha. Los inicios de la lucha de las mujeres por su emancipación. El ejemplo de Soledad Gustavo" de Julián Vadillo Muñoz (dos que ampliamos infomación en "Más información") son, ata agora, os dois títulos desta editorial con este curioso nome Volapük, que tal como conta Sergio, "Volapük é unha lingua universal, antecesora do esperanto, que se creara a finais do século XIX. Tivera entre os seus propagadores ao "guadalajareño" Fernández Iparraguirre quen redactara unha gramática e un diccionario desta lingua, e que chegara a editar a “Revista del Ateneo Caracense y Centro Volapükista español”. Esa conexión entre os valores universais e fraternais do Volapük e o especial arraigo que conocera na cidade determinou a elección do nome para este proxecto".

Martes 5 de novembro ás 20:00' horas Inauguramos nova tempada do noso “Cinema Forum Anarquista” con a proxección do documental “Apash, os de fóra” da realizadora Cora Peña

Cora Peña estará con nós para iniciar esta nova tempada do noso “Cinema Forum Anarquista” o martes 5 de novembro ás 20:00' horas, con a proxección de “Apash, os de fóra” e depois falaremos sobre ele e o seu novo proxecto "Tesouro de Corcoesto".

“Apash, os de fóra” é unha película documental independente de case 90 minutos, trátase dunha peza audiovisual na que a realizadora e operadora free lance Cora Peña, veciña de Teo, se achega á realidade do pobo jíbaro e a súa situación na Amazonía peruana, principalmente o xeito no que conviven coas consecuencias da globalización. Os jíbaros habitan este territorio desde hai 1.200 anos, e atoparanse de cote enfrontándose aos apash (na súa língua, “os que veñen de fóra”).

28,29,30 e 31 outubro X Xornadas Anarquistas

Un ano máis, e van xá 11 dende que comezaran a realizarse nesta cidade, presentamos as Xornadas Anarquistas de Compostela, que este ano cumprirán a sua X edición ( dado que nun ano non se fixeran), nas que trataremos, como é habitual, temas polémicos e de actualidade coa sa intención de profundizar entre todas as asistentes nun debate constructivo e participativo.

As X Xornadas terán lugar no noso local da Biblioteca Anarquista “A Ghavilla” (r/ Puente la Reina, nº 8, baixo) e comenzarán as 20:00’. Despois de cada charla e debate haberá Ceadores Veganos. Todo o diñeiro recaudado será para cobrir gastos das xornadas e promover vindeiras actividades.

Reapertura da Biblio - Novo Horario provisorio

Despois de duas xornadas apaixonantes, con participación de muita xente, tanto o luns, na presentación de Pedro García Olivo do seu último libro "Cadaver a la Intemperie", como o martes con o 1ª día das Xornadas "A Loucura na Corda" da mao de "Branda" con a palestra; "Os efectos da nova reforma do Código Penal sobre as persoas con diagnóstico psiquiátrico. A fiscalización das vidas" e as compas da Assemblea de Majaras de Barcelona con unha moi interesante dinámica de grupo que, dada a inxente cantidade de persoas dispostas a participar, mesmo desbordou as suas pretensións iniciais; non podemos máis que sentirnos plenamente satisfeitas desta Reapertura.

Queremos tambén aproveitar para agradecer às persoas que nos botaron unha man para ter todo disposto para elo, e fazervos chegar que a Biblioteca Anarquista está aberta para quen quixer utilizala como espazo de difusón de ideas anarquistas (e/ou antisistema).

Con isto, dizer que dende a vindoura semana, e de xeito provisorio, imos abrir a Biblioteca todos os martes de 19:30' atá 22:00' (agardamos en breve ampliar horarios).

Tambén comentar que a partir do martes 1 de outubro recuperamos o Cinema-Forum de "A Ghavilla" con novos filmes e documentais, que iremos anunciando no blogue.

Ademais seguirá habendo charlas moi interesantes e outras actividades, mais non imos adiantar nada de momento.

Martes 17 a partir das 18:00' - Xornadas “A Loucura na Corda”

"A Ghavilla" vai ser un dos locais colabouradores das Xornadas que, baixo o título: “A Loucura na Corda”, celebraranse en Compostela entre o 17 e o 20 de setembro en diferentes espazos da cidade. Segundo xs organizadorxs: "Con estas xornadas búscase visibilizar, dun xeito aberto, diferentes perspectivas en torno á saúde mental, máis aló da perspectiva exclusivamente médica (que tamén estará presente), coa intención de achegar un pouco máis esta realidade tantas veces invisibilizada, e tantas outras estigmatizada".

Asín estas xornadas comezaran o Martes 17 no noso local: A Biblioteca Anarquista "A Ghavilla" con estas duas palestras:

- as 18 horas: Os efectos da nova reforma do Código Penal sobre as persoas con diagnóstico psiquiátrico. A fiscalización das vidas. con José Ángel Brandariz

- as 19 horas: Desmontando a psiquiatría: Non é símbolo de saude non estar adaptado a unha sociedade enferma. Por Asamblea de Majaras

- Despois haberá Ceador Vegano

Para ver o calendario completo desta interesantísimas Xornadas, vos convidamos a visitar o blogue da Revista Anarquista "Abordaxe" (acá)

Contacto para + info: xornadas.a.loucura.na.corda@gmail.com

Luns 16 setembro as 20:30' : Volvemos a abrir as portas con a presentación do último libro de Pedro García Olivo: «Cadáver a la Intemperie»

"Como auga de maio en setembro" caenos por acá o Pedro García Olivo no seu segundo ciclo de presentacións (polo norte e noroeste da península) do seu último libro (que intuímos que non será o derradeiro) «Cadáver a la Intemperie» editado por logofobia

Pedro virá acompañado por outra persoa desta editorial anticomercial e nos primeros 10 minutos da charla van ir adicados a falar da acampada contra as liñas electricas de Moi Alta Tensión (MAT) que se está realizando en Girona, dado que algun compañeiro de seu está por alá, tema que consideran moi interesante (nos tambén) e do que necesitan apoio por aquilo cren (e cremos) importante darlle difusión. (podedes atopar información sobre a loita anti MAT no seu blogue: www.torresmasaltashanciado.espivblogs.net

Colamos de seguido a crítica, que do libro, fan as compas da librería e editorial libertaria Malatesta: "«Cadáver á Intemperie» é posiblemente a obra máis completa de Pedro García Olivo, onde recolle as súas principais teses contra os valores e as institucións capitalistas que fan da democracia un sistema totalitario -de aí a aparición do concepto «Demofascismo». «Cadáver...» céntrase nos aspectos socio-políticos que levan á domesticación do ser humano, resultando así a destrución doutras formas de vida.

García Olivo, dende postulados foucaultianos e nietszcheanos, entende que os seres humanos de hoxe están forxados homoxeneamente pola civilización occidental. Dende a súa reflexión sobre o Pensamento Único contribúe á crítica das formacións culturais dominantes. Así, somete unha importante crítica ao postmodernismo e á antropoloxía académica que, na súa opinión, axudan a aniquilar a «diferenza» cultural para convertela en mera «diversidade», como corresponde a un multiculturalismo de corte demofascista. Tamén lle dedica un considerable espazo á análise das loitas en América Latina e no Estado español, incorporando temas de actualidade, como os debates sobre a violencia, o 15-M, o experimento político da Venezuela de Chávez, o Movemento Guatemalteco, a situación de Cuba ou as súas experiencias co EZLN.

En definitiva, estamos ante unha obra que non nos deixará indiferentes urxente na súa actualidade, imprescindible para coñecer e recoñecer, como ben anuncia o seu epílogo, ao máis feo dos homes.

Martes 11 as 20:00' Palestra «Megamineria na Galiza e situación en Corcoesto» dentro das Xornadas Antidesenvolvimento de Compostela

Estas Xornadas están a ser realizadas nos diferentes espazos alternativos ubicados nesta cidade, e se a semana pasada xá houvo palestras interesantísimas na Gentalha do Pichel e no CSO A Casa do Vento, agora é a nosa quenda na Biblioteca Anarquista "A Ghavilla" con esta palestra de mañán Martes 11 às 20h: «Megamineria na Galiza e situación en Corcoesto».

Ademais seguirán no CS Arredista, e no CSO Casa do Vento que repite, con estoutros temas a tratar:

Mércores 12: Roteiro «A nova depuradora de Compostela». Saída da Casa do Vento (con carros) às 18h.
Xoves 13: «Estratéxias de loita fronte agresións ambientais» – Mesa redonda: Quilmas, Fumigacións non, ILP contra as incineradoras. Na Casa do Vento às 20h.
Venres 14: «SOS Courel fronte à legalización de abusos en zonas protexidas e afectadas contra as cimenteiras do Iríbio». No CS Arredista às 20h